SUBVENCIONI I QIRASË NË TREG TË LIRË (BONUSI I QIRASË)
SUBVENCIONI I QIRASË NË TREG TË LIRË (BONUSI I QIRASË)
Në mbështetje të ligjit nr.22/2018, datë 03.05.2018 “Për strehimin social”, të ndryshuar.
- Qëllimi i këtij shërbimi është përfitimi i subvencionit të qirasë për familjet/indivët që nuk kanë mundësi ekonomike të përballojnë të gjithë vlerën e qirasë në treg të lirë.
- Aplikimi kryhet në Drejtorinë e Marrëdhënieve me Publikun pranë Bashkisë Vlorë.
- Aplikimet mund të kryhen në çdo kohë, pa afat.
- Përfitimi i subvencionit të qirasë bëhet mbas miratimit të listës së përfituesëve në Këshillin e Bashkisë Vlorë
- Afati i përfitimit është njëvjeçar. Mbas mbarimit të këtij afati duhet të rinovohet kërkesa dhe dokumentacioni nga aplikantët.
- Përparësi në subvencionimin e qirasë sipas sistemit të pikëzimit kanë, por pa u kufizuar në to, kanë kategoritë e mëposhtme :
- Individët me statusin e jetimit
- Personat me aftësi të kufizuar
- Të moshuarit
- Familjet me më shumë se 4 fëmijë
- Invalidët e punës
- Familjet e policëve të rënë në detyrë
- Azilkërkuesit
- Familjet e komunitetit rom
- Familjet e komunitetit egjiptian
- Viktimat e dhunës në familje
- Viktimat e trafikimit
- Prindërit e vetëm që kanë në ngarkim fëmijë
- Individët që i përkasin komunitetit LGBTI,
- Të miturit 14-18 vjeç dhe të rinjtë 18-21 vjeç, në konflikt me ligjin
- Vajzat nëna, pas daljes nga programi i banesave të specializuara
- Familjet me statusin e qiramarrësit në banesa ish-pronë private, sipas Aktit normative nr.3 datë 1.3.2012
Dokumentacioni që duhet të paraqesin aplikantët dhe forma e sigurimit të tij është si vijon:
- Për të dhënat personale të aplikantit:
- Çertifikatë e lindjes së aplikantit, e-albania
- Vërtetim për vendbanimin në njësinë e vetëqeverisjes vendore, aplikanti
- Për vërtetimin e kushteve familjare :
- Çertifikatë familjare, e-albania
- Vendim i gjykatës që i lë në ngarkim fëmijët për çiftet e divorcuara, aplikanti
- Për vërtetimin e kushteve sociale:
- Vërtetim i komisionit mjekësor të përcaktimit të aftësisë së kufizuar për individë me aftësi të kufizuara, aplikanti
- Vërtetim përkatës nga institucioni ku ka qenë i strehuar dhe librezë e jetimit, dhënë nga institucioni shtetëror i autorizuar, aplikanti
- Dokument që vërteton se ka mbetur i pastrehë, si rezultat i lirimit të banesave, ish-pronë e subjekteve të shpronësuara, aplikanti
- Dokument i lëshuar nga institucionet përkatëse shtetërore për personat që kanë statusin emigrant i rikthyer, punëtor migrant, azilkërkues, refugjatët, apo personat me mbrojtje plotësuese, aplikanti
- Dokument i lëshuar nga institucionet përkatëse shtetërore për familjet e policëve të rënë në detyrë, që u përkasin Policisë së Shtetit, Gardës së Republikës, Shërbimit për Çështjet e Brendshme dhe Ankesat në Ministrinë e Brendshme, Shërbimit të Mbrojtjes nga Zjarri dhe Shpëtimit, të Forcave të Armatosura, të Shërbimit Informativ të Shtetit dhe të Policisë së Burgjeve, aplikanti
- Urdhër mbrojtje, apo urdhër i menjëhershëm mbrojtjeje, lëshuar nga gjykata për viktimat e dhunës në familje, aplikanti
- Vetëdeklarim nëse individi/familja i përket pakicës kombëtare rome ose egjiptiane, aplikanti
- Dokument i lëshuar nga institucionet përkatëse për të miturit në konflikt me ligjin, aplikanti
- Vetëdeklarim se i përket grupimit LGBTI, aplikanti
- Vërtetim me çertifikatë familjare se individi i përket kategorisë vajzë-nënë, aplikanti
- Për vërtetimin e kushteve ekonomike
- Vërtetim i të ardhurave neto të familjes, me vërtetim nga punëdhënësi për pozicionin dhe pagën e aplikantit dhe të personave të tjerë të familjes, që janë në marrëdhënie pune, aplikanti
- Dokumentin nga organet tatimore dhe ato të sigurimeve shoqërore për derdhjen e kontributeve, për të gjithë anëtarët e vetëpunësuar të familje, aplikanti
- Vërtetim nga zyra e ndihmës dhe përkujdesjes pranë njësive të vetëqeverisjes vendore për anëtarët e familjes të përfshirë në programin e ndihmës ekonomike dhe të pagesës për personat me aftësi të kufizuar, aplikanti
- Vërtetim nga zyra e punësimit të njësisë vendore përkatëse për personat e përfshirë në programin e pagesës së papunësisë, aplikanti
- Vërtetim nga organet e sigurimeve shoqërore për personat në pension, e-albania
- Për vërtetimin e kushteve të strehimit
- Vërtetim nga zyra e regjistrimit të pasurive të paluajtshme për pronat që disponohen në emër të secilit anëtar të familjes dhe nuk kanë kryer asnjë transaksion për tjetërsimin e pronësisë, të paktën 5 vitet e fundit, përveç rastit kur pronësia mbi të ka humbur për shkak të një fatkeqësie, ose force madhore, e-albania
- Vërtetim nga zyra e regjistrimit të pasurive të paluajtshme për sipërfaqen e pronës, që zotëron familja, apo ndonjë anëtar i saj, kur banesa është nën normat e strehimit në fuqi, e-albania
- Vërtetim nga zyra e regjistrimit të pasurive të paluajtshme se nuk figuron e regjistruar asnjë pronë, e cila mund të përdoret edhe për strehim, për çdo anëtar të familjes, që ka ndryshuar vendbanim për efekt punësimi, e-albania
- Akt-verifikimi nga njësia vendore për;
-banesat rrezik shembje, aplikanti
-rastet kur familja ka mbetur e pastrehë, si rezultat i fatkeqësive natyrore, aplikanti
-banesat që prishen ose përjashtohen nga procesi legalizimit, aplikanti
-vendim i gjykatës për familjet që humbasin banesën për shkak të zbatimit të vendimit të gjykatës, aplikanti
Akti i verifikimit nga njësia vendore për familjet rome/egjiptiane, që banojnë në banesa individuale, ose struktura, të cilat klasifikohen si banesë, aplikanti
-KONTRATA E QIRASË E NËNËSHKRUAR PARA NOTERIT ME PERSONIN QIRADHËNËS
– NUMRI I LLOGARISË NË BANKË NË EMËR TË PERSONIT QIRADHËNËS
