NJOFTIM

MBI SHPALLJEN E LISTËS SË FAMILJEVE DHE INDIVIDËVE QË KUALIFIKOHEN PËR TË VAZHDUAR ME FAZËN E DYTË TË PROGRAMIT SOCIAL “KREDI ME KUSHTE LEHTËSUESE  NGA SHTETI PËR VITIN 2025”.

Në zbatim të Vendimit të Këshillit të Bashkisë Vlorë Nr.3, datë 10.01.2025 “Për miratimin e zbatimit të Programit të Banesave me Kosto të Ulët nëpërmjet kredive me kushte lehtësuese nga buxheti i shtetit, miratimin e sistemit të pikëzimit, nivelin minimal dhe maksimal të të ardhurave dhe dokumentacionit që duhet të plotësojnë familjet dhe individët që përfitojnë nga ky program”, të Vendimeve të Komisionit të Strehimit të Bashkisë Vlorë Nr. 8, datë 20.08.2025 “Për shqyrtimin e formularëve të kërkesave të regjistruara pranë Bashkisë Vlorë nga familjet dhe individët që kanë aplikuar në portalin e-albania për të përfituar kredi me kushte lehtësuese nga buxheti i shtetit për vitin 2025”, Nr. 9, datë 08.09.2025 “Për shqyrtimin e formularëve të kërkesave të familjeve dhe individëve që kanë aplikuar në portalin e-albania për të përfituar kredi me kushte lehtësuese nga buxheti i shtetit për vitin 2025 dhe nuk janë depozituar fizikisht pranë Bashkisë Vlorë”, Nr.10, datë 15.10.2025 “Për shqyrtimin e ankesave të familjeve dhe individëve që janë kualifikuar në fazën e parë për të përfituar kredi me kushte lehtësuese nga shteti” dhe në vijim të  Njoftimit Publik të Bashkisë Vlorë  datë 23.09.2025 “Mbi shpalljen e listave paraprake të familjeve dhe individëve të kualifikuar dhe të skualifikuar për të përfituar kredi me kushte lehtësuese, faza e parë”, Bashkia Vlorë shpall njoftimin mbi:

” Listën e  familjeve dhe individëve që kualifikohen për të vazhduar me fazën e dytë të programit social “Kredi me kushte lehtësuese nga shteti”. Në këtë fazë personat e kualifikuar do të vijojnë me plotësimin dhe depozitimin e dokumentacionit pranë Bashkisë Vlorë brenda një muaji nga data e shpalljes së këtij njoftimi.

Mbështetur në “Deklaratën personale të aplikuesit” bashkëlidhur dhe pjesë përbërese e formularit të aplikimit “Kërkesë për të përfituar nga programet e strehimit social” nëpërmjet e-albania, për të ardhur në ndihmë të qytetarëve, me qëllim minimizimin e kostove financiare  dhe kursimin e kohës;

1. Bashkia Vlorë merr përsipër të sigurojë dokumentacionin e përgjithshëm,  si më poshtë:
2. Vërtetim për vendbanimin në njësinë e vetëqeverisjes vendore.
3. Vërtetim për pagimin e kontributeve të sigurimeve shoqërore dhe shëndetësore.
4. Vërtetim nëse janë regjistruar në Drejtorinë Rajonale Tatimore për qëllime tatimore.
5. Vërtetim nga Agjensia Shtetërore e Kadastrës nëse ka prona të regjistruara në emër të secilit anëtar të familjes dhe, nëse kanë kryer transaksion për tjetërsimin e pronësisë në 5 vitet e fundit.
6. Vërtetim nga Zyra e Ndihmës dhe Përkujdesjes për anëtarët e familjes të përfshirë në programin e ndihmës ekonomike dhe të pagesës për personat me aftësi ndryshe.
7. Vërtetim nga Zyra e Punësimit të njësisë vendore për personat e përfshirë në programin e pagesës së papunësisë.

1. Aplikantët do të plotësojnë dokumentacionin si vijon:

1.Çertifikatë personale e aplikantit

2.Çertifikatë familjare

3.Vendim i gjykatës që i lë në ngarkim fëmijët për çiftet e divorcuara

4.Vërtetim i komisionit mjekësor të përcaktimit të aftësisë së kufizuar për individë me aftësi të kufizuara

5.Urdhër mbrojtje lëshuar nga gjykata për viktimat e dhunës në familje

6.Dokument i lëshuar nga institucionet përkatëse për të miturit në konflikt me ligjin

7.Vërtetim page nga punëdhënësi e shoqëruar me :

-vërtetim për pagimin e kontributeve si individ nga Drejtoria Rajonale Tatimore

-vërtetim për pagesën e kontributeve të sigurimeve shoqërore  pas datës 01.01.2012

8.Për individët që figurojnë të regjistruar për qëllime tatimore duhet të sjellin   dokumentacionin shtesë:

– Ekstrakt historik nga QKB

-Pasqyrat financiare për vitin kalendarik të shkuar për personat e vetëpunësuar,

e njehsuar nga Drejtoria Rajonale Tatimore

9. Vërtetim nga organet e sigurimeve shoqërore për personat në pension.

Shënim:

1.Afati i plotësimit dhe depozitimit të dokumentacionit pranë zyrës me një ndalesë në Bashkinë Vlorë do të  jetë 4 javë nga data e shpalljes publike të këtij njoftimi.

2.Për familjet ku  ka aplikuar më shumë se një anëtar në fazën e parë, dokumentacioni do të paraqitet vetëm nga një prej tyre.

Familjet dhe individët që janë kualifikuar në fazën e parë mbi bazën e të dhënave të vetëdeklaruara në formularët e aplikimit, nëse  në  fazën e dytë të paraqitjes së dokumentacionit  do të  rezultojnë jashtë kritereve të këtij programi, do të shpallen skualifikues dhe nuk do të vazhdojnë proçedurat me bankat.     

Lista emërore e familjeve dhe individëve që janë kualifikuar në fazën e parë .