NJOFTIM
Mbi mbështetjen financiare për nxënësit ekselentë në shkollat publike të Bashkisë Vlorë

Në mbështetje të nenit 8, nenit 9, pika 1/1.1, shkronja “b”, nenit 23, pika 12, nenit 24, nenit 54 dhe nenit 55 të ligjit nr. 139/2015 “Për vetëqeverisjen vendore”; nenit 22, pika 2 të ligjit nr. 69/2012, i ndryshuar “Për sistemin arsimor parauniversitar në Republikën e Shqipërisë”, Vendimit nr. 27, datë 28.02.2026 të Këshillit Bashkiak “Për zgjerimin e fashës së nxënësve ekselentë të përfshirë në bonusin e ekselencës për vitin 2026” si dhe Vendimit nr.100, datë 23.12.2025 “Për miratimin e Buxhetit të Bashkisë Vlorë për vitin 2026”,

Bashkia Vlorë njofton se vijon programin e saj të mbështetjes financiare për nxënësit ekselentë, me qëllim nxitjen e arritjeve të larta në arsim dhe motivimin e të rinjve për rezultate të shkëlqyera.

Nëpërmjet dhënies së këtij stimulimi, synohet rritja e dëshirës për të mësuar, zhvillimi i nivelit intelektual, si dhe zgjerimi i mundësive për përfshirje në jetën kulturore dhe sportive të komunitetit. Ky program kontribuon gjithashtu në formimin e plotë të personalitetit të nxënësve dhe në promovimin e vlerave të dijes dhe përkushtimit.

Për herë të parë, në këtë skemë mbështetjeje përfshihen edhe nxënësit e klasave të VII dhe IX, duke zgjeruar kështu bazën e përfituesve dhe duke inkurajuar ekselencën që në ciklet më të hershme të arsimit parauniversitar.

Në këtë kuadër, Bashkia Vlorë do të mbështesë çdo vit me bursa nxënësit e shkollave 9-vjeçare dhe të mesme publike në territorin e saj, të cilët përfundojnë vitin shkollor me të gjitha notat 10 (dhjeta).

Bonusi i nxënësve cilësorë është vetëm për nxënësit që frekuentojnë aktualisht klasat VII–IX në shkollat 9-vjeçare, si dhe klasat X–XII në shkollat e mesme, të cilët vitin paraardhës e kanë përfunduar me notë mesatare vjetore 10.00.

Shkollat duhet të dorëzojnë (konform numrit të nxënësve të raportuar më parë nga çdo shkollë) pranë Bashkisë Vlorë, dokumentacionin e mëposhtëm:

Bashkia Vlorë mbetet e angazhuar për të mbështetur dhe promovuar nxënësit me rezultate të shkëlqyera, duke investuar në të ardhmen e komunitetit dhe zhvillimin e qëndrueshëm të tij.