Bashkia Vlorë

SHPALLJE PËR VENDE TË LIRA PUNE PUNONJËS ME KONTRATË  (INSPEKTOR RAJONI NË BASHKINË VLORË) 

February 20, 2026

REPUBLIKA E SHQIPERISË

BASHKIA VLORË

DREJTORIA E BURIMEVE NJERËZORE             

SHPALLJE PER VENDE TE LIRA PUNE

PUNONJËS ME KONTRATË            

Në mbështetje të Ligjit nr. 139/2015, “Për vetëqeverisjen vendore”, Ligjit nr. 7961, datë 12.07.1995 “Kodi i Punës i Republikës së Shqipërisë” i ndryshuar, Vendimit nr. 228 datë 31.12.2025 të Kryetarit të Bashkisë Vlorë “Për miratimin e Strukturës organizative të Bashkisë Vlorë, Institucioneve të varësisë dhe Funksioneve të deleguara – 2026”, Bashkia Vlorë shpall procedurat e konkurrimit për vendin e lirë:

  • Inspektor rajoni në Bashkinë Vlorë

Detyrat dhe Përgjegjësitë Kryesore:

  • Ndjek zbatimin e ligjeve per ndertimet urbanistike brenda rajonit. Konstaton kundervajtjet administrative ne Rajon, qe nga rastet e nderhyrjeve te paligjshme ne sistemin e furnizimit me uje te pijshem e kanalizimeve, ne rruge, trotuare, sheshet publike, parqet, lulishtet si dhe shkeljet ne fushen e higjenes apo sherbimit veterinar.
  • Kur konstaton shkelje te kushteve ligjore urbanistike mban proces-verbal te cilat ia paraqet Administratorit te Rajonit.
  • Ndjek zbatimin e detyrave te ngarkuara nga Administratori i Rajonit sipas kerkesave ligjore dhe ne afatet e percaktuara prej tij

 

Kandidatët duhet të plotësojnë kërkesat e posaçme si vijon:

  1. Të jenë shtetas shqiptar;
  2. Të zotërojnë një diplomë të Arsimit të lartë, niveli minimal Master Profesional;
  3. Të jenë në gjendje të mirë shëndetësore dhe të aftë fizikisht e mendërisht për të vepruar;
  4. Të mos jenë të dënuar nga organet gjyqësore dhe të drejtësisë me vendim të formës së prerë;

 DOKUMENTACIONI, MËNYRA DHE AFATI I DORËZIMIT                                                                                               

Kandidatët duhet të dorëzojnë dokumentat si më poshtë:

a – Jetëshkrim i plotësuar në përputhje me dokumentin tip që e gjeni në linkun:

http://www.dap.gov.al/legjislacioni/udhezime-manuale/60-jeteshkrimi-standard

b – Diplomë e noterizuar (përfshirë dhe diplomën “Bachelor”). Për diplomat e marra jashtë Republikës së Shqipërisë të përcillet njehsimi nga Ministria e Arsimit dhe e Sportit;
c – Fotokopje të librezës së punës (të gjitha faqet që vërtetojnë eksperiencën në punë);

d – Cdo dokumentacion tjetër që vërteton trajnimet, kualifikimet, arsimim shtesë, vlerësimet pozitive apo të tjera të përmendura në jetëshkrimin tuaj;

e – Fotokopje të letërnjoftimit (ID);

f – Vërtetim të gjendjes shëndetësore;

g – Vetëdeklarim të gjendjes gjyqësore / Vërtetim të gjendjes gjyqësore

Dokumentat duhet të dorëzohen me postë apo në sportelet e Bashkisë Vlorë brenda datës  27.02.2026.

 MËNYRA E VLERËSIMIT TË KANDIDATËVE

 Kandidatët do të vlerësohen në lidhje me dokumentacionin e dorëzuar.

 DATA E DALJES SË REZULTATEVE TË KONKURIMIT DHE MËNYRA E KOMUNIKIMIT

Në përfundim të vlerësimit të kandidatëve, Drejtoria e Burimeve Njerëzore do të shpallë fituesit në portalin “Shërbimi Kombëtar i Punësimit”, në faqen e internetit.

You may also like...