REPUBLIKA E SHQIPERISË

BASHKIA VLORË

DREJTORIA E BURIMEVE NJERËZORE

 SHPALLJE PER VENDE TE LIRA PUNE

 PUNONJËS ME KONTRATË

Në mbështetje të Ligjit nr. 139/2015, “Për vetëqeverisjen vendore”, Ligjit nr. 7961, datë 12.07.1995 “Kodi i Punës i Republikës së Shqipërisë” i ndryshuar, Vendimit nr. 228 datë 31.12.2025 të Kryetarit të Bashkisë Vlorë “Për miratimin e Strukturës organizative të Bashkisë Vlorë, Institucioneve të varësisë dhe Funksioneve të deleguara – 2026”, Bashkia Vlorë shpall procedurat e konkurrimit për vendin e lirë:

• Përgjegjës në Sektorin e Pyje-Kullotave, Bashkia Vlorë

Detyrat dhe Përgjegjësitë Kryesore:

• Zhvillon hartimin e projekteve për zhvillimin strategjik të pyjeve dhe kullotave.
• Zbaton kërkesat e akteve ligjore dhe nënligjore që rregullojnë cështjet e administrimit të pyjeve dhe të kullotave.
• Raporton për situatën e pyjeve dhe të kullotave në territorin e Bashkisë Vlorë nëpërmjet studimeve, analizave dhe informacionit përkatës.
• Bën administrimin e fondit pyjor dhe kullosor në territorin e Bashkisë Vlorë.
• Bashkëpunon me agjensitë e parqeve për organizimin e shërbimit pyjor dhe inspektimin e pyjeve dhe kullotave.
• Merr pjesë në hartimin e projekteve tekniko ekonomike si dhe të planeve për mbrojtjen dhe menaxhimin e pyjeve pronë publike ose private në përputhje me legjislacionin në fuqi.
• Harton dhe shqyrton dokumentacionin tekniko ligjor për procedurat e dhënies në përdorim të pyjeve dhe kullotave

Kandidatët duhet të plotësojnë kërkesat e posaçme si vijon:

1. Të jenë shtetas shqiptar;
2. Të zotërojnë një diplomë të nivelit “Master shkencor” në Shkenca juridike.Edhe diploma e nivelit “Bachelor” duhet të jetë në të njëjtën fushë;
3. Të ketë të paktën 5 vite eksperiencë pune.
4. Të jenë në gjendje të mirë shëndetësore dhe të aftë fizikisht e mendërisht për të vepruar;
5. Të mos jenë të dënuar nga organet gjyqësore dhe të drejtësisë me vendim të formës së prerë;

 DOKUMENTACIONI, MËNYRA DHE AFATI I DORËZIMI

Kandidatët duhet të dorëzojnë dokumentat si më poshtë:

a – Jetëshkrim i plotësuar në përputhje me dokumentin tip që e gjeni në linkun:

http://www.dap.gov.al/legjislacioni/udhezime-manuale/60-jeteshkrimi-standard

b – Diplomë e noterizuar (përfshirë dhe diplomën “Bachelor”). Për diplomat e marra jashtë Republikës së Shqipërisë të përcillet njehsimi nga Ministria e Arsimit dhe e Sportit;
c – Fotokopje të librezës së punës (të gjitha faqet që vërtetojnë eksperiencën në punë);

d – Cdo dokumentacion tjetër që vërteton trajnimet, kualifikimet, arsimim shtesë, vlerësimet pozitive apo të tjera të përmendura në jetëshkrimin tuaj;

e – Fotokopje të letërnjoftimit (ID);

f – Vërtetim të gjendjes shëndetësore;

g – Vetëdeklarim të gjendjes gjyqësore / Vërtetim të gjendjes gjyqësore

Dokumentat duhet të dorëzohen me postë apo në sportelet e Bashkisë Vlorë brenda datës  24.03.2026.

MËNYRA E VLERËSIMIT TË KANDIDATËVE                           

Kandidatët do të vlerësohen në lidhje me dokumentacionin e dorëzuar.

DATA E DALJES SË REZULTATEVE TË KONKURIMIT DHE MËNYRA E KOMUNIKIMIT

Në përfundim të vlerësimit të kandidatëve, Drejtoria e Burimeve Njerëzore do të shpallë fituesit në portalin “Shërbimi Kombëtar i Punësimit”, në faqen e internetit.