Bashkia e Vlorës – Së bashku për një qytet më të gjallëruar dhe inovativ!

Subjekti: “Maratona e këngës popullore 2025”

Fondi limit –1,200,000 Lekë

Procedura– Zarf i mbyllur

Bashkia e Vlorës nxit dhe inkurajon të gjithë aplikantët për të dorëzuar projekt-propozimet e tyre për aktivitetin: “Maratona e këngës popullore 2025”.

Aplikuesit për projekte kulturore-artistike, mund të jenë:

Persona Juridikë si OJF (Organizata Jo Fitimprurëse), Sh.a, Sh.p.k, Persona fizikë si dhe individë.

Bashkia Vlorë shpall thirrjen për aplikime për projekte artistike dhe kulturore, në kuadër të organizimit të aktivitetit “Maratona e Këngës Popullore 2025”, që do të zhvillohet në qytetin e Vlorës, në shëtitoren Lungomare. Qëllimi i kësaj thirrjeje është të nxisë pjesëmarrjen komunitare dhe të ofrojë një aktivitet për promovimin e trashëgimisë muzikore popullore dhe qytetare vlonjate. Ky aktivitet synon të gjallërojë jetën kulturore të qytetit, dhe të ndërtojë ura lidhëse mes brezave përmes këngëve që kanë shënjuar identitetin muzikor të Vlorës dhe më gjerë. “Maratona e Këngës Popullore 2025” do të jetë një ngjarje festive që do të mbledhë në një natë të vetme këngëtarë të njohur të muzikës popullore shqiptare, artistë të rinj dhe profesionistë të skenës, të cilët do të përcjellin për publikun atmosferën unike të muzikës tradicionale dhe qytetare. Kjo iniciativë do të shërbejë për të rritur vizibilitetin e qytetit dhe për të promovuar identitetin e tij unik. Qëllimi i kësaj thirrjeje është të inkurajojë zhvillimin e aktiviteteve artistike që i japin vlerë hapësirave publike, fuqizojnë bashkëpunimin me komunitetin dhe gjenerojnë përfshirje të gjerë të qytetarëve dhe turistëve. Thirrja synon të inkurajojë zhvillimin e iniciativave artistike që i japin jetë hapësirave publike, fuqizojnë rolin e komunitetit dhe mbështesin përfshirjen e gjerë të qytetarëve dhe vizitorëve në aktivitete me karakter tradicional dhe identitar.

Më shumë informacion mbi mënyrën e aplikimit dhe kriteret e përzgjedhjes:

Aplikuesit për projekte kulturore-artistike, mund të jenë: Persona Juridikë si: OJF (Organizata Jo Fitimprurëse), Sh.a; Sh.p.k; Persona fizikë dhe individë.

1. Kërkesa për mbështetje
Drejtuar Bashkisë Vlorë (DREJTORIA E ZHVILLIMIT EKONOMIK DHE TURIZMIT).

2. Formulari i aplikimit (Shkarko  )

3. Projekt propozimi
Përshkrim i detajuar i projektit i hartuar sipas pikave të përcaktuara në formularin e aplikimit.

4. Preventivi total i projektit (Shkarko )
I detajuar sipas zërave dhe donatorëve të tjerë.

5. Preventivi për Bashkinë Vlorë  (Shkarko)
Zërat e këtij preventivi i paraqiten  DZHET dhe Këshillit të Kulturës të Bashkisë Vlorë për aprovim).

Aplikantët duhet të jenë shqiptarë ose me leje qëndrimi në Shqipëri gjatë kohës së aplikimit dhe zbatimit të projektit.
Projektet duhet të kenë zhvillim gjatë 1 viti kalendarik.

Thirrje për Projekt-Propozime: “Maratona e këngës popullore 2025”.

Projekti synon organizimin dhe realizimin e aktivitetit artistik “Maratona e Këngës Popullore 2025”, një koncert madhështor që do të zhvillohet në qytetin e Vlorës, përgjatë shëtitores Lungomare, gjatë sezonit veror.

Kjo maratonë muzikore është konceptuar si një mbrëmje e pasur me performanca të këngës popullore dhe qytetare, me theks të veçantë në traditën muzikore të qytetit të Vlorës. Në skenë do të ngjiten këngëtarë të njohur të muzikës tradicionale shqiptare, artistë të rinj dhe profesionistë të skenës muzikore, duke sjellë një program të larmishëm që pasqyron identitetin, dhe trashëgiminë kulturore të qytetit dhe të Shqipërisë. Aktiviteti synon të gjallërojë jetën artistike dhe kulturore të qytetit, të promovojë pjesëmarrjen aktive të komunitetit dhe të ofrojë një eksperiencë unike për qytetarët dhe vizitorët vendas e të huaj. Përmes një atmosfere festive dhe gjithëpërfshirëse, publiku do të ketë mundësi të përjetojë një natë të paharrueshme.“Maratona e Këngës Popullore 2025” është një aktivitet për promovimin e vlerave autentike shqiptare, e cila nxit bashkëpunimin mes institucioneve publike, artistëve dhe komunitetit vendas. Përmes këtij aktiviteti, synohet të vihet në pah trashëgimia e pasur muzikore e qytetit të Vlorës si një ndër qendrat më të rëndësishme të këngës qytetare dhe popullore në Shqipëri. Aktiviteti parashikohet të ketë një impakt të gjerë kulturor, turistik dhe social, duke përforcuar identitetin kulturor të qytetit dhe duke e pozicionuar Vlorën si një destinacion të rëndësishëm për evente të mëdha artistike me karakter tradicional.

Qëllimi kryesor i kësaj thirrjeje është:

· Të krijojë një platformë për prezantimin e muzikës popullore dhe qytetare shqiptare, përmes performancave nga këngëtarë dhe artistë të rinj që përfaqësojnë vlerat muzikore të vendit, me fokus të veçantë në traditën muzikore të qytetit të Vlorës.

· Të promovojë trashëgiminë kulturore dhe artistike në hapësira publike përmes një aktiviteti që përfshin artin skenik muzikor si mjet komunikimi dhe bashkimi mes brezave.

· Të gjallërojë jetën kulturore dhe sociale të qytetit gjatë sezonit turistik veror, duke ofruar një program artistik që pasqyron identitetin dhe historinë muzikore shqiptare, veçanërisht të qytetit të Vlorës.

· Të nxisë pjesëmarrjen aktive të qytetarëve dhe vizitorëve, duke ofruar një mbrëmje të pasur me perfomanca muzikore nga artistët vendas.

· Të rrisë atraktivitetin e qytetit të Vlorës si një destinacion festiv dhe kulturor, duke e pozicionuar qytetin si një qendër që promovon artin tradicional.

Aplikantët e përzgjedhur pritet të ofrojnë dhe të realizojnë aktivitetet e mëposhtme:

Aktiviteti mendohet të zhvillohet në një hapësirë publike të hapur dhe të sigurt, sheshi “Lungomare”, i cili ofron kushte të përshtatshme për spektakël masiv, ndërveprim dhe pjesëmarrje të gjerë komunitare dhe turistike.

Të drejtë për të aplikuar kanë:

· Organizata jo fitimprurëse (OJF)

· Afati për dorëzimin e projekt-propozimeve është 18.07.2025-23.07.2025.

1. Kërkesa për mbështetje
Drejtuar Bashkisë Vlorë -Drejtorisë Së Zhvillimit Ekonomik Dhe Turizmit.

2. Formulari i aplikimit (Shkarko)

3. Projekt propozimi
Përshkrim i detajuar i projektit, i hartuar sipas pikave të përcaktuara në formularin e aplikimit.

4. Preventivi total i projektit (Shkarko)
I detajuar sipas zërave dhe donatorëve të tjerë.

5. Preventivi për Bashkinë Vlorë  (Shkarko)
Zërat e këtij preventivi i paraqiten  DZHET dhe Kësh-illit të Kulturës të Bashkisë Vlorë për aprovim.

Për aplikantët që janë subjekte (Shoqata, Qendra, Fondacione)

Llogaria Bankare ku do të derdhen fondet e kërkuara duhet të jetë në Lek, e lëshuar nga Banka me firmë dhe vulë origjinale.

8. Fotokopje e Pasaportës/ Letërnjoftimit të aplikuesit

9. Dy rekomandime
Të lëshuara nga personalitete të shquara sipas fushës që mbulon projekti. (Nëse aplikuesi është individ duhet të paraqiten tre rekomandime)

10. Deklaratë mbi të ardhurat
Një deklaratë ku aplikuesi shpreh që të gjitha fondet e Bashkisë Vlorë do të shkojnë në realizimin me cilësi të projektit dhe nuk do të ketë përfitim personal.

11. Vërtetim për të ardhurat e tjera të projektit
Për zërat e preventivit të përgjithshëm që aplikanti ka marrë nga financuesit e tjerë të projektit (jo e detyrueshme)

*Të gjithë dokumentat duhet të jenë të firmosura dhe të vulosura nga drejtuesi i projektit. Në rast se aplikuesi është individ, duhet të jenë vetëm të firmosura.