SHPALLJE PËR VENDE TË LIRË PUNE

(Drejtor në Policinë Bashkiake)

Lloji i diplomës: niveli minimal i diplomës “Master Shkencor” në shkenca shoqërore, juridike, ekonomike ose institucionet arsimore të sigurisë

Bazuar në Ligjin nr. 139/2015 “Për vetëqeverisjen vendore”, Ligjin Nr. 7961 datë 12.07.1995 “Kodi i Punës së Republikës së Shqipërisë” i ndryshuar, Ligjin nr. 89/2022 “Për Policinë Bashkiake”, VKM-në nr. 452 datë 26.07.2023 “Për miratimin e rregullores kuadër të Policisë Bashkiake” dhe Vendimin nr. 228 datë 31.12.2025 i Kryetarit të Bashkisë Vlorë “Për miratimin e Strukturës organizative  të Bashkisë Vlorë, Institucioneve të varësisë dhe Funksioneve të deleguara – 2026” i ndryshuar, Bashkia Vlorë shpall procedurat për vendit e lirë të punës:

Drejtor në Policinë Bashkiake

Afati për dorëzimin e dokumentave:

30 TETOR 2026

Përshkrimi përgjithësues i punës për pozicionin më sipër është:

1. a) Organizon, drejton, kontrollon dhe përgjigjet për sigurimin e zbatimit të detyrimeve dhe

kompetencave që ka Policia Bashkiake;

1. b) Koordinon veprimtarinë e punës me Policinë e Shtetit për zbatimin e detyrimeve të akteve ligjore dhe nënligjore në fushën e rendit e të sigurisë publike në parandalimin e veprimtarive të kundërligjshme për aktivitetet që zhvillohen në territorin e bashkisë;
2. c) Planifikon aktivitetin në mbështetje të detyrave të caktuara për të siguruar realizimin në kohë të

objektivave të përcaktuar;

ç) Kryen analiza, raporte, përshkrime që lidhen me veprimtarinë e Policisë Bashkiake;

1. d) I propozon kryetarit të bashkisë kalendarin e trajnimeve për të siguruar kualifikimin periodik

profesional të punonjësve të Policisë Bashkiake;

1. dh) Këshillon kryetarin e bashkisë dhe jep mendime për zgjidhjen e çështjeve në fushën e

përgjegjësisë së tij

1.1	KUSHTET QË DUHET TË PLOTËSOJË KANDIDATËT DHE KRITERET E VEÇANTA

Për këtë procedurë kanë të drejtë të aplikojnë të gjithë kandidatët të cilët plotësojnë kërkesat:

Kushtet që duhet të plotësojë kandidati janë:
a – Të jetë shtetas shqiptar;
b – Të ketë zotësi të plotë për të vepruar;
c – Të zotërojë gjuhën shqipe, të shkruar dhe të folur;
d – Të jetë në kushte shëndetësore që e lejojnë të kryejë detyrën përkatëse;

e – Të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;

Kandidatët duhet të plotësojnë kërkesat e posaçme si vijon:

a – të ketë përfunduar ciklin e dytë të studimeve të arsimit të lartë ose të ketë diplomë të barazvlershme me të ose të ketë përfunduar studimet e arsimit të lartë jashtë vendit dhe të ketë njohur dhe njësuar diplomën sipas përcaktimeve për njësimin e diplomave, të parashikuara në legjislacionin në fuqi për arsimin e lartë, në shkenca shoqërore, juridike, ekonomike ose institucionet arsimore të sigurisë.

b – të ketë të paktën 5 vjet eksperiencë pune në administratën publike, Policinë e Shtetit, Forcat e Armatosura, Gardën e Republikës, Policinë e Burgjeve, Shërbimin për Mbrojtjen nga Zjarri dhe Shpëtimi, në profesionet e lira ose në çdo pozicion tjetër të barasvlershëm me to në sektorin privat;

c – të mos jetë subjekt i ndalimeve sipas legjislacionit në fuqi për garantimin e integritetit të

personave që zgjidhen, emërohen ose ushtrojnë funksione publike

1.2	DOKUMENTACIONI, MËNYRA DHE AFATI I DORËZIMIT

Kandidatët që aplikojnë duhet të dorëzojnë dokumentat si më poshtë:

1. Jetëshkrim i plotësuar (CV)
2. Fotokopje të diplomës dhe listës së notave.
3. Fotokopje të librezës së p unës (të gjitha faqet që vërtetojnë eksperiencën në punë);
4. Vlerësime të punëve të mëparshme
5. Cdo dokumentacion tjetër që vërteton trajnimet, kualifikimet, arsimim shtesë, vlerësimet pozitive apo të tjera të përmendu+ra në jetëshkrimin tuaj;
6. Fotokopje të letërnjoftimit (ID);
7. Vërtetim të gjendjes shëndetësore dhe librezë shëndetësore;
8. Vetëdeklarim të gjendjes gjyqësore / Vërtetim të gjendjes gjyqësore.

Aplikimi dhe dorëzimi i të gjitha dokumentave të cituara më sipër, do të bëhet në Bashkinë Vlorë.

Dokumentat e aplikimit duhet të dorëzohen me postë apo drejtpërsëdrejti në institucion, brenda datës 30.10.2026 në adresën

Bashkia Vlorë

Sheshi “4 Heronjtë”

Vlorë, 9401

Shqipëri

 Për të marrë informacion mbi vijimin e procedurës, kandidatët duhet të vizitojnë në mënyrë të vazhdueshme faqen e Bashkisë Vlorë duke filluar nga data 02.11.2026.

REZULTATET PËR FAZËN E VERIFIKIMIT PARAPRAK TË DOKUMENTACIONIT

 Pas verifikimit të dokumentacionit, në respektim të afatit ligjor, Njësia e Burimeve Njerëzore në Bashkinë Vlorë do të shpallë në portalin “Shërbimi Kombëtar i Punësimit” dhe në faqen e internetit të Bashkisë Vlorë, listën e kandidatëve që plotësojnë kushtet dhe kërkesat e posaçme, si dhe datën, vendin dhe orën e saktë kur do të zhvillohet testimi. Kandidatët që nuk i plotësojnë kushtet e pranimit dhe kërkesat e posaçme do të njoftohen individualisht (nëpërmjet adresës së e-mail) për shkaqet e moskualifikimit. Kandidatët e skualifikuar kanë të drejtë të ankimohen pranë Drejtorisë së Burimeve Njerëzore. Afati i ankimimit është 5 ditë nga data e shpalljes së rezultateve të verifikimit.

 FUSHAT E NJOHURIVE, AFTËSITË DHE CILËSITË MBI TË CILAT DO TË ZHVILLOHET TESTIMI

 Kandidatët do të vlerësohen në lidhje me:

• Njohuritë mbi Ligjin nr. 139/2015, “Për vetëqeverisjen vendore”
• Ligji nr. 89/2022, “Për Policinë Bashkiake”
• VKM nr. 452 datë 26.07.2023 “Për miratimin e rregullores kuadër të Policisë Bashkiake”
• Kodi i Procedurave Administrative i Republikës së Shqipërisë.
• Njohuri për Ligjin nr. 9131 date 08.06.2003 “Për rregullat e etikës në administratën publike”;

MËNYRA E VLERËSIMIT TË KANDIDATËVE

 Testimi me shkrim

 Kandidatët në testimin me shkrim do të vlerësohen në lidhje me:

a- Njohuritë, aftësitë, kompetencën në lidhje me punën;

 Intervista

 Kandidatët, që rezultojnë fitues në fazat e tjera të testimeve, i nënshtrohen intervistës.

Kandidatët në intervistën me gojë do të vlerësohen në lidhje me:

b- Eksperiencën e tyre të mëparshme;

c- Motivimin, aspiratat dhe pritshmëritë e tyre për karrierën.

Në Intervistë, totali i pikëve të vlerësimit të kandidatëve është 20 (njëzet) pikë, të cilat ndahen përkatësisht:

1. a) jetëshkrimi (CV), që konsiston në vlerësimin e arsimimit, të përvojës e të trajnimeve, deri në 10 pikë;
2. b) intervista, deri në 10 pikë.

Rezultati i përgjithshëm i kandidatit përcaktohet mbi shumatoren e rezultateve të arritura nga testimi me shkrim dhe intervista.

 Totali i pikëve për vlerësimi e kandidatëve është  100 pikë i detajuar si më poshtë:

Vlerësimi maksimal për testimin me shkrim është                          80 pikë

Vlerësimi maksimal për intervistën me gojë është                          20 pikë 

DATA E DALJES SË REZULTATEVE TË KONKURIMIT DHE MËNYRA E KOMUNIKIMIT

Në përfundim të vlerësimit të kandidatëve, për çdo fazë (testimit me shkrim dhe intervistës me gojë) Njësia e Burimeve Njerëzore në Bashkinë e Vlorës do të shpallë fituesit në portalin “Shërbimi Kombëtar i Punësimit” në faqen e internetit të Bashkisë Vlorë në stendat e informimit të publikut dhe në stendat pranë Policisë Bashkiake.

Kandidati ka të drejtë të bëjë ankim me shkrim në Komisionin Përzgjedhës për rezultatin e pikëve dhe renditjen në listën fituese. Afati i ankimit fillon brenda 5 (pesë) ditëve kalendarike nga:

1. a) data e njoftimit të rezultatit të verifikimit paraprak të kandidatit;
2. b) data e njoftimit të rezultatit të vlerësimit me shkrim;

ç) data e njoftimit të rezultatit të vlerësimeve për kandidatët, të cilët kanë marrë pjesë në të gjitha fazat e vlerësimit të përcaktuara.

Komisioni përzgjedhës njofton vendimin brenda 5 (pesë) ditëve kalendarike nga data e përfundimit të afatit ankimor.

Në përfundim të këtij afati, njësia e burimeve njerëzore publikon kandidatët fitues.